‘Rrahja’ nga Udinese, humbja e tretë në shtatë ndeshjet e para të Serie A, hapi krizën e Interit. Kjo vuri në pikëpyetje trajnerin zikaltër, sidomos për menaxhimin e zëvendësimeve. Por Simone Inzaghi është i bindur se ende e ka ekipin në dorë dhe do të dijë si të dalë nga ky moment i errët. Lajmin e bën të ditur Gazzetta dello Sport, sipas së cilës nuk ka fraktura në dhomën e zhveshjes zikaltër. Të gjithë po vozisin në të njëjtin krah, edhe pse skuadra shpesh shfaqet e palidhur. Sipas gazetës rozë, në rifillimin e stërvitjes, Inzaghi do ta mbajë ekipin në tonus sepse tani është pika e kthesës. Vetëm duke menduar si grup mund të dilet nga kriza dhe është i nevojshëm një ndryshim i menjëhershëm i kursit.
Vështirësitë e fillimit të sezonit janë në sytë e të gjithëve, por për teknikun nuk mungojnë alibitë dhe këtë klubi e di mire. Mungesa e Perisic po rëndon më shumë se sa pritej. Disa lojtarë kyç si Skriniar dhe Brozovic janë jashtë formës dhe duhet kohë për t'u rikthyer. Pa harruar Lukakun, që gjithashtu ka qenë jashtë për një muaj për shkak të dëmtimit. Është e natyrshme të hasësh vështirësi me një kalendar aq të ngjashur sa të pengon të stërvitesh mirë. Por pas pauzës zikaltrit duhet të ndryshojnë marshin, në Itali dhe në Evropë.
ZGJIDHJA
E duhet ta bëjnë si grup, pasi sipas asaj që raporton La Gazzetta, Inzaghi nuk ka asnjë dyshim për sjelljen e lojtarëve. Dhoma e zhveshjes rreshtohet kompakt në të njëjtin drejtim dhe ndjek udhëzimet e trajnerit. Nëse nuk do të ishte kështu, ai “nuk do ta kishte problem të varte dikë në muret e Appianos siç ndodhi te Lazio vite më parë”.
Kështu, Inzaghi mbetet i salduar në pankinë. Trajneri ka mbështetjen e Curva Nord, vlerësimin e Marottas dhe klubit dhe gjithashtu atë të lojtarëve. Ndeshja kundër Romës duhet të jetë pika e kthesës.
