Një aksident është regjistruar në orët e para të mëngjesit në autostradën Tiranë-Durrës. Fatmirërisht nga aksidenti nuk ka patur viktima. Sipas të dhënave nga policia, shtetasi M.N, duke drejtuar një kamion humbi kontrollin dhe u përplas me mbikalimin e këmbësorëve, duke e shkatërruar atë totalisht.
Si pasojë e përplasjes është dëmtuar pasagjeri shtetasi H. D, i cili ndodhet në spital jashtë rrezikut për jetën. Shërbimet e Policisë, devijuan lëvizjen deri në pastrimin e plotë të rrugës. Aktualisht qarkullimi i automjeteve në autostradën Durrës-Tiranë-Durrës, vijon pa probleme.
