Drejtori i Përgjithshëm i Policisë së Shtetit, Muhamet Rrumbullaku, ka deklaruar këtë të premte se për zhdukjen e të shumëkërkuarit Ervis Martinaj policia është duke punuar dhe se do të flasë me fakte e prova.
“Mund t’ju them që strukturat e Posaçme të luftës kundër krimit, në Drejtorinë e Përgjithshme dhe në nivel vendor janë të angazhuara maksimalisht. Do të flasim mbi fakte, mbi prova. Nuk mund të flasim pa pasur prova”. Kështu u shpreh Rrumbullaku.
Edhe ministri i Brendshëm Bledi Çuçi deklaroi se do të flitet kur të kenë prova. Sipas Çuçit, nuk mund të flasin pa i pasur ato. “Ne do të flasim kur të kemi prova. Policia e shtetit nuk mund të flasë pa pasur prova,” tha ministri. Ndërkohë një javë më parë kryeministri Edi Rama deklaroi se tashmë policia e kishte një përgjigje, por duhet të prisnin edhe pak për prova.
Lexo më tej: Rama flet për Ervis Martinajn: Policia ka një version për zhdukjen
Lexo më tej: Dokumenti/ Ervis Martinaj u vra, pasi u nxorr në pritë nga një femër
