Kryeministri Edi Rama ka reaguar lidhur me protestën e nxënëseve të shkollës “Mehmet Akif Ersoy”. Në një status në “Twitter” Rama shkruan se nxënëset e shkollës së mbyllur duhet të protestojnë kundër pronarëve. Sipas kryeqeveritarin ata shitën godinën e shkollës dhe e spostuan aktivitetin diku tjetër, pa marrë leje.
“Nxënëset e shkollës së mbyllur të protestojnë kundër pronarëve që shitën godinën e shkollës dhe e spostuan aktivitetin gjetkë, pa marrë leje sipas ligjit e pa respektuar rregullat e parashikuara ligjërisht! Ministria e Arsimit dhe Sportit ka zbatuar ligjin si në raste të tjera”, shkruan Rama.
Mëngjesin e sotëm ka nisur protesta e nxënseve të shkollës “Mehmet Akif”. Me pankarta në duar dhe duke ekspozuar trofetë e fituara si rrjedhojë e rezultateve të larta nxënëset kanë kundërshtuar vendimin e qeverisë për mbylljen e shkollës.
