Një person ka rënë në ujërat e lumit Drin. Ai ishte duke kaluar urën e Trenit në Ishull Lezhë. Mësohet se personi ka qenë duke ecur me biçikletë kur ka rrëshqitur dhe ka rënë në lumë. Shkaktar i ngjarjes ka qenë një pllakë që lëvizte. Kjo ka bërë që qytetari të humbasë kontrollin dhe të përfundojë poshtë urës.
Personi, identiteti i të cilit nuk bëhet i ditur ka marrë dëmtime të shumta në trup pasi është përplasur me një bordurë dhe ndodhet në gjendje të rëndë për jetën. Ai është nxjerrë prej aty nga zjarrfikësit, për t’u dërguar më pas në spital.
