KPA ka konfirmuar në detyrë gjyqtaren e Tiranës Valdete Hoxha. Gjyqtarja Hoxha kaloi vetingun pa probleme për pasurinë, figurën, apo aftësitë profesionale. Edhe pse për të qytetarët kishin ngritur 33 denoncime, denoncimet u konsideruan të pabaza. Ndërkohë Komisioneri Publik kishte ankimuar vendimin e KPK-së.
Hoxha është pjesë e sistemit të drejtësisë prej vitit 1992. Ajo fillimisht nisi si gjyqtare e Apelit në Shkodër. Ajo është gjyqtare e Apelit në Tiranë prej vitit 2009.
Njoftim vendimi
Trupi gjykues i Kolegjit të Posaçëm të Apelimit, i përbërë nga Albana Shtylla kryesuese, Natasha Mulaj relatore, Ina Rama, Rezarta Schuetz, Sokol Çomo anëtarë, shpalli vendimin për çështjen (JR) nr.42/2020, datë 30.09.2020, që lidhet me ankimin e Komisionerit Publik kundër vendimit të Komisionit të Pavarur të Kualifikimit nr. 269, datë 01.07.2020, që lidhet me subjektin e rivlerësimit Valdete Hoxha.
Në përfundim të gjykimit, trupi gjykues, bazuar në nenin 66, pika 1, shkronja “a” e ligjit nr.84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, me shumicë votash, vendosi:
1. Lënien në fuqi të vendimit të Komisionit të Pavarur të Kualifikimit nr. 269, datë 01.07.2020, që i përket subjektit të rivlerësimit Valdete Hoxha.
2. Ky vendim është përfundimtar dhe ka efekt të menjëhershëm.
U shpall sot, në Tiranë, më datë 30.09.2022.
