Për shkak të ndërtimeve pa leje, është pezulluar nga detyra shefi i Komisariatit nr.1 në Tiranë, Bujar Mehmeti. Bashkë me të, është pezulluar nga detyra edhe shefi i postës policore në Farkë Flamur Sula. Përgjegjësive nuk i kanë shpëtuar as nënkomisar Alban Ramaj dhe inspektori Nazmi Karreçi.
Pezullimet i vijnë pas zbulimit të pallatit 8-katësh pa leje në zonën e Liqenit të Thatë, por edhe deklaratave të kryeministrit për ndërtimet pa leje. Agjencia e mbikëqyrjes policore ka vendosur 30 ditë pezullim.
