Lingard postoi foton e qenve të rinj me detajin që nuk duhej: lojtari akuzohet për mizori ndaj kafshëve

Jesse Lingard përfshihet nga polemikat. Ylli i Nottingham Forest akuzohet për mizori ndaj kafshëve. Lojtari bëri një postim në Instagram ku shfaqej me dy miqtë e tij të rinj me katër këmbë. Nuk ka asgjë të keqe me këtë, përveç se dy qentë i kishin të prerë majat e veshëve. Ky lloj operacioni është i paligjshëm në Mbretërinë e Bashkuar, nëse nuk bëhet për arsye thjesht mjekësore. Jesse Lingard postoi foton e qenve të tij të rinj Creed dhe Cash në mediat sociale, por u mbulua nga kritikat. Ndjekësit e lojtarit në fakt kanë vënë re menjëherë se dy kafshëve roje u janë prerë majat e veshëve. Kirurgjia që përfshin prerjen e veshit zakonisht kryhet për arsye estetike. Por kjo është një procedurë e paligjshme në MB, përveç nëse kryhet për arsye mjekësore. Në thelb, pjesa flashkët e veshit pritet dhe pjesa e fortë lihet të rritet lart për ta bërë kafshën të duket më "tërheqëse". Procedura zakonisht bëhet te këlyshët, midis gjashtë dhe 12 javësh. E mund të jetë jashtëzakonisht traumatike për qentë. Për më tepër, nuk ka përfitime shëndetësore për ta. Shumë pronarë të Dobermanëve ose racave të ngjashme, thekson Daily Mail, ua prenë majat e veshëve thjesht për modë.

 

View this post on Instagram

 

A post shared by JLingz (@jesselingard)

REAGIMET E AKUZAT

Kështu, Lingard u akuzua për mizori ndaj kafshëve. Një ndjekës shkroi: “Shkatërrove 2 qen të mrekullueshëm! Idiot". Komenti mori mbi 120,000 pëlqime. Por ka edhe nga ata që mbrojtën ish-sulmuesin e Manchester United: “Qentë duken mjaft të shëndetshëm. Por sigurisht, njerëzit do të mendojnë si gjithmonë, se kanë autoritetin për të gjykuar”. 29-vjeçari i bleu dy qentë nga Chaperone K9 Ltd, e cila mburret në Instagram se është “furnizuesi i qenve më të mirë në botë”. Klubi me bazë në Leicestershire i ka shitur gjithashtu qen roje mesfushorit të Chelsea, Ruben Loftus-Cheek. Përvec tij në të kaluarën ka blerë aty edhe mbrojtësi i krahut të Arsenal, Kieran Tierney.