Kur flitet për Interin, për më tepër në vështirësi, nuk mund të mungojë Massimo Moratti. Ish-presidenti, edhe si vëzhgues i jashtëm, e analizon në detaje situatën e zikaltërve dhe familjes Zhang: "Unë nuk i di llogaritë e klubit apo llogaritë personale të familjes Zhang. Sigurisht që kur ata kanë ardhur kanë qenë në gjendje më të mirë. Ka ndryshuar shumë, nuk e di cila mund të jetë zgjidhja”.
Ish-presidenti zikaltër vijoi: "Nuk ka probleme të rënda, duhet kuptuar se cilat janë qëllimet e Zhang. Nëse ai ka ndërmend ta mbajë ose nëse do të detyrohej ta shesë. Atëherë situata do të përkeqësohej akoma".
Lexo më tej: Inter do të bëhet amerikan: Zhang i beson shitjen e klubit Raine Group
"Receta për të ringjallur Interin? Fitoret, të ketë brenda shumë krenari dhe dëshirë për të dëshmuar se janë një ekip i madh. Unë besoj se krenaria duhet të jetë shtytja e madhe e këtyre lojtarëve", vazhdoi Moratti, duke folur për La Politica nel Pallone. “Interi është në gjendje të keqe, por distancat janë ende të vogla – përfundoi ai –. Jemi në fillim, ndoshta në mes të sezonit problemet do të zgjidhen”.
Sipas Milanofinanza.it, China Construction Bank, e përfaqësuar nga firma ligjore D’Andrea & Partners, paraqiti një apel kundër klubit zikaltër. Fakti ndodhi më 27 korrik, me kërkesën për të anuluar procesverbalin e Bordit të Drejtorëve të klubit milanez. Aty specifikohet se Zhang nuk merr shpërblim për detyrën. Seanca e parë është caktuar për 8 mars 2023.
