Në një deklaratë ditën e sotme, Kremlini tha “operacioni special ushtarak” në Ukrainë nuk do të përfundonte nëse Kievi do të bllokonte bisedimet, duke shtuar se nevojiten të dyja palët për të biseduar.
“Ose do të presim që presidenti aktual të ndryshojë pozicionin e tij ose do të presim që presidenti i ardhshëm të ndryshojë pozicionin e tij në interes të popullit ukrainas,”tha zëdhënësi i Kremlinit Dmitry Peskov.
Presidenti ukrainas Volodymyr Zelensky nënshkroi një dekret të hënën duke shpallur zyrtarisht çdo negociatë midis Kievit dhe Presidentit Vladimir Putin “të pamundur”, por la derën e hapur për bisedimet me Rusinë.
Peskov tha gjithashtu se Putini ka gjasa të nënshkruajë një ligj për të integruar katër rajonet ukrainase në Rusi gjatë ditës së sotme.
Kremlini e quajti gjithashtu një “hap pozitiv” që themeluesi i Tesla, Elon Musk, foli për një marrëveshjeje të mundshme paqeje, disa orë pasi Kievi hodhi poshtë thirrjen e Musk për të negociuar në konfliktin me Ukrainën.
Kremlini tha gjithashtu se nuk dëshironte të pranonte retorikën pro-bërthamore që po përhapet nga fuqitë perëndimore dhe organizatat e medias, duke iu përgjigjur një pyetjeje në lidhje me raportet e shtypit se Rusia po përgatitej të përdorte armë bërthamore.
