Këtë të mërkurë në Vatikan një turist amerikan ka thyer në copa jo më pak se dy skulptura të lashta romake.Episodi ndodhi në Museo Chiaramonti, pjesë e Muzeut të Vatikanit. Hapësira mban rreth 1000 vepra të statujave të lashta dhe e përshkruan veten si "një nga koleksionet më të mira të portreteve romake" në botë.
Dy nga ato portrete tani po përballen me një të ardhme të pasigurt pasi turisti rrëzoi njërin me zemërim, më pas rrëzoi një tjetër ndërsa ai u largua nga vendi i ngjarjes.
Burri, i raportuar se ishte një amerikan, kishte kërkuar të shihte Papën, sipas gazetës Il Messaggero. Kur iu tha se nuk mundej, ai dyshohet se hodhi një bust romak në dysheme.
Dy veprat e artit janë dërguar në punëtorinë e brendshme për t'u vlerësuar. Ato mendohet se janë vepra arti dytësore, sesa vepra të famshme, tha një burim për Il Messaggero. Sipas La Repubblica, një bust ka humbur hundën. Përsa i përket turistit, një zëdhënës i Muzeut të Vatikanit tha në një deklaratë:
“Personi që rrëzoi statujat u ndalua nga policia e Vatikanit dhe iu dorëzua autoriteteve italiane”.
Turistët që dëmtojnë monumentet ka qenë tema e kësaj vere në Romë. Në korrik, një turiste kanadeze u kap duke gdhendur emrin e saj në Koloseum, ndërsa turistët amerikanë u kapën duke hedhur skuter në shkallët spanjolle.
