Një sherr masiv mes disa të rinjve ka ndodhur mbrëmjen e kësaj të enjteje në Vlorë. Ata janë përplasur me thika dhe sende të forta.
Burime nga policia thanë se të paktën 3 persona janë plagosur. Ata janë dërguar në spital ku po marrin kurim. Në vendin e ngjarjes ka shkuar policia.
Mësohet se ka qenë një 40-vjeçar që ka qëlluar me thikë 2 të rinj, por ka lënduar edhe veten në sherr. Nuk dihen motivet e përplasjes mes të rinjve.
Vlorë/Informacion paraprak
Më datë 06.10.2022, rreth orës 20:40, në lagjen “Lef Sallata”, pranë shkollës “24 Maji”, dyshohet se shtetasi M. A, si pasojë e një konflikti të çastit, ka goditur me mjet prerës (thikë), shtetasit E. S., 35 vjeç dhe K. N., 23 vjeç, të dy banues në Vlorë, të cilët ndodhen në spitalin e Vlorës, nën kujdesin e mjekëve.
Shërbimit e Policisë kanë kapur menjëherë autorin e dyshuar, shtetasin M. A., 40 vjeç, dhe e kanë transportuar për ndihmë mjeksore. Grupi hetimor ndodhet në vendngjarje dhe po punon për sqarimin e plotë të rrethanave të ngjarjes. ©LAPSI.al
