Ndeshja e madhe e javës së nëntë të Bundesligës përfundon me një 2-2 të pabesueshme mes Bayern Mynih dhe Borussia Dortmund. Golave të Goretzka në minutën e 33-të dhe Sane në minutën e 53-të iu përgjigjën Moukoko në të 75' dhe Modeste në minutën e 95-të. Në ndeshjet e tjera Union Berlin dhe Freiburg mbeten në krye të renditjes. Në vend të kësaj, buzëqesh Xabi Alonso, i cili në debutimin e tij mposhti 4-0 Schalke 04. Eintracht shembet 3-0 ndaj Bochum. Barazojnë Wolfsburg dhe Leipzig, të cilët nuk shkuan përtej 1-1 në fushat e Augsburg dhe Mainz.
BORUSSIA DORTMUND-BAYERN MYNIH 2-2
Bayern Mynih arrihet në fund nga Borussia Dortmund në një 2-2 spektakolar. Në këtë ndeshje të madhe, vendasit e nisën mirë dhe u bënë të rrezikshëm me Emre Can dhe në minutën e 31 edhe me Guerreiro. Goditja e sulmuesit verdhezi gjeti përgjigjen fantastike të Manuel Neuer. Pikërsisht në momentin më të mirë të Dortmund, Goretzka kaloi në avantazh skuadrën e Nagelsmann me goditjen e parë drejt portës të bavarezëve. Në të 33′ mesfushori zhbllokoi ndeshjen me një goditje në këndin e poshtëm të majtë.
Në pjesën e dytë në Signal Iduna Park, vendasit shkuan afër barazimit me goditjen e Wolf, por sërish Neuer ishte i vëmendshëm. Kampionët e Gjermanisë patën mundësinë të dyfishojnë me Mane, që me kokë nuk gjeti kuadratin. Dyfishimi nuk vonoi. Në minutën e 53 një goditje nga distanca e Sane nuk i la asnjë mundësi portierit verdhezi. Dortmund, megjithatë, nuk u dorëzua dhe shkurtoi diferencën në minutën e 75. Moukoko ballë për ballë me portierin bavarez nuk gaboi. Gjërat për kampionët e Gjermanisë u vështirësuan në fund, kur mbetën me dhjetë lojtarë për përjashtimin e Coman. Momentin e shfrytëzoi Dortmund, që në minutën e 95 barazoi me goditjen me kokë të Modeste. Përfundoi me një pikë për secilin në Signal Iduna Park dhe dy skuadrat që qendrojë bashkë me 16 pikë, një pas dyshes së kreut që duhet ende të luajë.
Germany Bundesliga
Augsburg 1-1 Wolfsburg
Bayer Leverkusen 4-0 Schalke 04
Bochum 3-0 Eintracht Frankfurt
Mainz 1-1 RB Leipzig
Borussia Dortmund 2-2 Bayern Munich
