Kriza e Juventusit duket se nuk ka fund. Pas dy fitoreve me Bolojnën dhe Maccabi Haifa, të cilat kishin rikthyer njëfarë besimi dhe qetësie, erdhi kthimi pas. Bardhezinjtë humbën 2-0 ndaj Milanit dhe u rikthyen në një atmosferë aspak pozitive. Massimiliano Allegri rikthehet nën akuzë por, për momentin, vendi i tij në pankinë duket i sigurt. Shumë kritika, shumë debate dhe shumë komente për situatën e Zonjës së Vjetër dhe trajnerit të saj. Mes tyre, edhe ai i Fabio Capello.
76-vjeçari, foli për Sky Calcio Club, duke thënë fjalën e tij për situatën delikate te Juventus. Ish-mesfushori bëri një krahasim me përvojën e tij të vjetër te kuqezinjtë: “Më duket se Allegri po përjeton të njëjtën gjë që përjetova unë kur u ktheva në Milano. Ai sheh se gjërat janë të gabuara, por nuk arrin të shërojë ekipin. Përpiqesh të bësh disa gjëra që pastaj në fushë nuk zbatohen. Unë e lexoj kështu”.
Capello e shpjegon më mirë konceptin: "Kur ai mbërriti, në klub u tha 'ah, erdhi ombrella dhe ne (lojtarët, ed) jemi të qetë'. Unë nuk arrija të merrja gjëra të përcaktuara nga disa lojtarë. Gjëja që më trishtonte ishte se vetëm dy vjet më parë arrija të shihja lojtarë që më kishin dhënë gjithçka dhe pastaj jo. Është e vërtetë që Allegrit tani i mungojnë lojtarët që mund të bëjnë diferencën, por…”.
Ish-mesfushori e mbylli mendimin me një reflektim. Juventusi është në krizë, por kritikat janë të gjitha për trajnerin. Lojtarët nuk përmenden asnjëherë: “Kritikat janë të gjitha për Allegrin, por lojtarët nuk preken. Vetëm tani diçka për Vlahovic që nuk shënon por…”.
