Juve ka zgjedhur Milinkovic-Savic e në janar do të tentojë të bindë Lazion për ta sjellë në Torino. Lajmin e zbulon Gazzetta dello Sport, që shpjegon se humbja në San Siro kundër Milanit i ka bindur drejtuesit e Juventus. E gjitha për të ndryshuar një sezon që filloi me shumë vështirësi. Për ta bërë, është e nevojshme të ngrihet menjëherë niveli i cilësisë. E serbi, shtatë asistime dhe tre gola në nëntë javët e para të Serie A, duket njeriu i duhur. Si për cilësitë fizike dhe teknike të padiskutueshme, ashtu edhe për situatën kontraktuale. Milinkovic-Savic në fakt shkon në skadencë në vitin 2024 dhe gjithashtu ka marrë edhe një premtim. Lotito i ka garantuar se do ta lërë të largohet, në rast të një oferte të nivelit të lartë.
SITUATA
Ofertë që nuk erdhi në verë, por që Juventus është gati ta bëjë në funksion të janarit. Sezoni sapo ka nisur, por bardhezinjtë tashmë janë në kërkim të pikës së kthesës. Klubi po ëndërron goditjen e madhe për të përmirësuar performancat. Dicka e ngjashme me ndërhyrjen e një viti më parë, kur nga Fiorentina erdhi Vlahovic.
Lexo më tej: Menaxheri i Milinkovic provokon Juventus e Milan: “E duan, por Sergej kushton shumë për ata”
Lotito ka kërkuar gjithnjë një shifër të ekzagjeruar (të paktën 100 milionë) për lojtarin më të rëndësishëm të mesfushës. Por skadimi i kontratës kaq afër dhe 'pakti i nderit' që ekziston mes presidentit të Lazios dhe Milinkovic-Savic mund të ulë ndjeshëm kërkesën. Gazeta flet për një ofertë të klubit të Juventusit prej 50-60 milionë me bonuse, por ka një problem. Përpara se ta prezantojë te Lotito, bardhezinjtë duhet të sakrifikojnë të paktën një lojtar në atë rol. I dyshuari kryesor është Weston Mc Kennie, i cili ka merkato veçanërisht në Bundesligë.
Në pritje të rikthimit të Pogba, Allegri ëndërron serbin për të nisur pikën e kthesës. E Juventusi, që ka konfirmuar edhe një herë besimin te trajneri, është vënë tashmë në punë.
