Tre të janë vënë në pranga në Elbasan. Ata shantazhonin një person përmes rrjetit social Instagram. Autorët kërkonin 3000 euro për të mos bërë publike lidhjen intime të shtetasit E.K.
Organi i akuzës pasi dha autorizim për dorëzimin e parave në datën 11 tetor pranë “Rita Park” është realizuar takimi midis viktimës E. K., dhe H.P, ku viktima i ka dorëzuar 3000 Euro shtetasit H.P. Më pas është bërë arrestimi nga policia gjyqësore i H.P., S.H. dhe Xh.Gj, dhe në gjendje të lirë është ndjekur shtetasja nën hetim A.H.
Prokuroria e Elbasanit ka bërë të ditur se ndaj 3 të arrestuarve tashmë rëndojnë akuzat për veprën penale të “Shtrëngimi me anë të kanosjes ose dhunës për dhënien e pasurisë”.
