Java e 12-të e Premier League ka përfunduar me fitoren e Leicester ndaj Leeds, që i jep Brendan Rodgers pak frymëmarrje. Pas autogolit fillestar të Koch, Barnes nënshkroi dyfishimin dhe lejoi ekipin e tij të largohej nga vendi i fundit në renditje. Për Foxes kjo është hera e fundit, që lëviz nga fundi i renditjes. Një tjetër humbje e keqe, megjithatë, për Aston Villa të Steven Gerrard, e mundur 3-0 në Craven Cottage kundër Fulham.
Lexo më tej: Video/ Sancho i jep triumfin United, Leicester mbetet i fundit: fitorja e tretë radhazi e Ten Hag
Me vetëm një fitore e dy barazime në 10 javët e para të kampionatit, Rodgers e kishte të qartë se ndaj Leeds duhej kthesa. E gjërat shkuan menjëherë mirë për Leicester, në avantazh pas një cerek ore lojë. Në fakt Leeds u bëri keq vetes me autogolin e Koch, që befasoi portierin Meslier. Foxes morën zemër dhe e kontrolluan lojën, duke shënuar edhe golin e dytë me Barnes në minutën e 35. Asist i Deësbury-Hall nxorri në pozicion goditje mesfushorin anësor, që nuk gaboi. 8 pikë për Leicester në vendin e parafundit, një pas Leeds, që pozicionohet i 16-i.
