Drejtuesja e seancës parlamentare, Ermonela Felaj ka kërkuar marrjen e masës disiplinore ndaj deputetit Agron Shehaj, pasi sipas saj ka shkelur kodin e etikës gjatë ndërhyrjeve të tij.
Felaj i ka tërhequr vëmendje Shehajt për të mos folur për bizneset e tij në sallën e Kuvendit, gjë që është kundërshtuar nga deputeti i cili u shpreh se ai do të flasë për ato që mendon se janë të rëndësishme.
Shehaj: Nuk ishte e lehtë për mua të vendosja për të folur për këtë çështje. Ajo që më bën përshtypje në këtë sallë, është që jo vetëm që kjo mazhorancë ësghtë e korruptuar, por e pafytyrë. Arsyeja pse fola nga foltorja, është sepse ajo foltore ka shkaktuar reagimin e Edi Ramës. Për arsye të atyre që kam thënë dhe denoncuar nga ajo foltore. Edi Rama ka dërguar policinë tek ambientet e biznesit tim për të më intimiduar. Ju mund të më hiqni vërejtje sa herë të doni, unë tek ajo foltore do them atë që unë mendoj se duhet thënë. Sikur vidhni, sikur shpallni veten investitorë strategjik.
Felaj: Kërkoj mbledhjen e Byrosë së Kuvendit dhe bazuar në nenin 29 të rregullores. Kërkoj marrjen e masës disiplinore. Ju tërhoq vëmendja, mos flisni për bizneset tuaja në sallën e Kuvendit të Shqipërisë. Unë jam drejtuesja e seancës dhe kërkova mbledhjen e Byrosë.
Dputeti Agron Shehaj akuzoi sot Edi Ramën për hakmarrje përsonale ndaj tij. Sipas Shehajt, Rama ka dërguar qëllimisht policinë në bizneset e tij për t’i mbyllur gojën.
Lexo më tej: Agron Shehaj: Terror në biznesin tim, policia nxorri 200 punonjës me dhunë nga zyrat
