Vrasja e 27-vjeçarit shqiptar në Londër, teksa mbronte mikun e tij gjatë një grindjeje, është rikthyer sërish në qendër të vëmendjes me zbulimin e detajeve të reja. Lumturi Zeqja, 27 vjeç, vdiq në sy të miqve të tij pas një përleshjeje në Church Lane, Leytonstone në orën 23:00 të së dielës.
Pamjet tronditëse që u publikuan, duken miqtë e tij teksa i luten të mos vdiste dhe "të vazhdonte të merrte frymë" ndërsa ai ishte shtrirë në kopshtin e përparmë të një bari. Por tragjikisht ndërroi jetë në vendin e ngjarjes.
Kushërira e tij Violet Uka tha për The Standard: Ai jeton në Londër prej 13 vitesh. Ai ishte një punëtor i palodhur. Ai hyri në mes të sherrit për të ndarë shokun e tij dhe e vranë. Ai është një njeri i guximshëm dhe i mirë se ndërhyri për të shpëtuar mikun e tij. Dora e vrasësit na ka lënë të gjithëve të mjerë. Na e mori Lumin në moshën më të bukur. Nuk ka fjalë për të ngushëlluar familjen e tij.
Deri më tani nuk ka asnjë të arrestuar për vrasjen e 27-vjeçarit shqiptar. Në spital po merr mjekim një 20-vjeçar i plagosur, i cili është jashtë rrezikut për jetën.
Inspektori i detektivit Adam Callaghan deklaroi se hetimet po vazhdojnë për ta gjetur sa më shpejt autorin e kësaj vrasjeje.
“Hetimi ynë po ecën me ritëm dhe ne po ndjekim një sërë linjash hetimi. Prioriteti ynë është gjetja e personit përgjegjës dhe gjetja e drejtësisë për viktimën dhe familjen e tij”, tha Callaghan.
Inspektori i detektivit Adam Callaghan tha: Hetimi ynë po ecën me ritëm dhe ne po ndjekim një sërë linjash hetimi. Prioriteti ynë është gjetja e personit përgjegjës dhe gjetja e drejtësisë për viktimën dhe familjen e tij.
Kushdo që ka informacion i kërkohet të telefonojë policinë përmes numri 101.
