Gjërat nuk shkojnë aspak mirë për Gerard Pique. Në fushë jo, ndarja me Shakirën nuk mund të jetë mirë edhe në anën sentimentale e tani edhe në biznes dalin probleme. Katalanasi ndër vite ka investuar në biznese të ndryshme. Disa prej të cilave po i garantojnë të ardhura të çmendura, madje më të larta se sa fiton nga futbolli. Por sipas asaj që bën të ditur CadenaSER, projekti i katalanasit për të ndërtuar një hotel luksi në Malaga ka pësuar një ndalesë... makabër. Në terrenin ku po ndërtohet hoteli, u gjend një nekropol mysliman.
Brenda tokës, që Kerald Holding, president i së cilës është babai i Piquè, e bleu për 20 milionë euro, u gjet një nekropol mysliman. Janë mbi 250 varre, shumica e tyre bosh. Ato datojnë në shekullin e XV, pikërisht në kohën kur Monarkët Katolikë të Spanjës po përfundonin 'Reconquista'. Ata pushtonin qytetet jugore si Malaga, ende nën kontrollin e Emiratit të Granadas. Fakti që kishte diçka nën tokë, shpjegon një arkeolog, ishte tashmë i qartë për Piquè: "Kur e blenë, ata tashmë e dinin se kishte mbetje, përkundrazi, po e llogarisnin këtë gjë".
Tani, megjithatë, punimet duhet të ndalen në mënyrë të pashmangshme. Edhe pse fakti që varret janë pothuajse të gjitha të papërdorura, mund të çojë jo domosdoshmërisht në ruajtjen e zonës. “Ne kemi zbuluar vetëm 5% të asaj që ka qenë nekropoli i madh mysliman i Malagas. Një nga më të mëdhenjtë në Spanjë”, komenton përgjegjësi i gërmimit. “Tashmë jemi duke punuar me teknikët dhe shpresojmë që në janar të fillojë ndërtimi i hotelit të ardhshëm”.
