Lapsi Video

Aplikacioni

Android iOS
Flash

Talenti kosovar, Ibrahimovici i Bayern Mynih: 16 vjeçari shënon pa ndalim, e Nagelsmann e mban në pankinë

Lapsi.al 23 October 2022
Talenti kosovar, Ibrahimovici i Bayern Mynih: 16 vjeçari shënon pa
Një talent i vërtetë. Edhe pse duhet ta vërtetojë akoma në skenën me të mëdhenjtë. Bayern Mynih beson fort te Arijon Ibrahimovic, 16 vjeçari (në dhjetor do të mbushë 17 vjeç) që ishte në pankinë për herë të parë kundër Hoffenheim të shtunën. Që në verën e vitit 2021, vetëm 15 vjeç, ai u stërvit me ekipin e parë të bavarezëve. Ai nuk ka bërë ende debutimin e tij, por në klub besojnë vërtet tek ai.

HISTORIA

I lindur në Nuremberg më 11 dhjetor 2005, ai është djali i një kosovari, prandaj zotëron pasaportë të dyfishtë. Ai ka luajtur me Gjermaninë U 16-17-18 (të cilin e preferoi ndaj Kosovës edhe pse shpesh shkon në vendin e origjinës), duke shënuar 10 gola në 17 paraqitje. Ai është një mesfushor sulmues, edhe pse idhujt e tij janë Cristiano Ronaldo dhe Zlatan Ibrahimovic. Këtë sezon ai po luan nën moshë me të rinjtë bavarezë me të cilët ka shënuar 7 gola (plus dy asist) në 6 ndeshje. Për momentin ai është golashënuesi më i mirë i skuadrës. Kosovari bëri mirë, megjithatë, edhe në serinë e tretë gjermane, në të cilën, në vetëm 29 minuta të luajtura, ai shërbeu dy asiste vendimtar për shokët e tij. Me mbërritjen te Bayern në vitin 2018 (vetëm 12 vjeç), ai bëri bujë kur me shaka tha se "duket si një qendër e bukur sportive, ku mund të përmbush ëndrrën time për t'u bërë profesionist. Zlatan? Më pëlqen, është pak më i mirë se unë”.

E ARDHMJA

Në Bavari, siç u përmend, besojnë shumë tek ai, por Arijon nuk është i bindur të qëndrojë. Midis mesfushës dhe sulmit, bavarezët kanë disa të rinj (Musiala, 19, Ëanner, 16) dhe Ibrahimovic ka frikë se mund të mos gjejë hapësirë. Në fakt, ai do të donte të luante vazhdimisht dhe të fillonte ta bënte sa më shpejt. Për këtë arsye, sipas disa mediave, ai dëshiron të largohet nga Bayern në verë. Për ta marrë, megjithatë, do të ishte e nevojshme t'i garantohej hapësirë. Sepse Ibrahimovic e di se ai është një talent dhe nxiton të shpërfaqet.

Të këshilluara

ide

Kriza jonë e trefishtë tashmë ka emër

Edi Rama është sot mishërimi, edhe pse jo shkaku i vetëm, i krizës së përfaqësimit politik. Askush më shumë se ai nuk punuar për të ndërtuar një parti dhe një sistem politik në shërbim të kryetarit dhe jo të qytetarit

09:49 Blendi Kajsiu

Si po e çon Rama vendin drejt përplasjes civile

Insistimi në dhunë, në armatosje të civilëve, në pagesa të policëve si të ishin mercenarë, vetëm paqe nuk pjell. Frika e Edi Ramës se ku do të përfundojë kur të mos jetë kryeministër nuk ka pse të bëhet makthi i Shqipërisë

15:20 Armand Shkullaku

MOTI TIRANA

12°c

KËMBIMI EURO

90.64

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI