Pedagogët kanë dalë sërish sot në një protestë kombëtare për plotësimin e kërkesave të tyre drejtuar qeverisë, teksa shënohet dita e gjashtë e bojkotit. Pedagogët kanë deklaruar nëse nuk do të ketë rritje të pagave, ata do të vijojnë protestën.
Kryetari i Partisë Demokratike Sali Berisha ka njoftuar në lidhje me protestën kombëtare të organizuar sot nga pedagogët.
Me anë të një postimi në Facebook, Berisha u shpreh se duhet mbështetje totale protestës universitare,
“Sot, në ora 11:00, bojkot dhe protestë e fuqishme kombëtare universitare para Korpusit Qendror të UPT-së. Mbështetje totale protestës universitare!”, shkruan Berisha.
Kujtojmë se ditën e sotme është paralajmëruar mbajtja e protestës së radhës së pedagogëve, e cila do të jetë gjithëpërfshirëse dhe kombëtare.
Është njoftuar se tubimi do të organizohet përballë Universitetit Politeknik.
Pedagogët në vijimësi kanë kërkuar rritje të pagave dhe përafrimin e tyre me kolegët në Kosovës e rajon.
Lexo më tej: Bojkoti i pedagogëve/ Kovaçi: Të hënën do ketë protestë masive
Lexo më tej: Pedagogët letër të hapur ambasadës së ShBA dhe asaj britanike: Qeveria i quan kërkesat politike
Lexo më tej: Protesta e pedagogëve, reagon Rama: Nuk është masive, por një pakicë!
Lexo më tej: Ish-deputeti i PS del kundër Ramës: Mjaft më me baltosje të pedagogëve, rritini pagat
