Një tjetër aksident me vdekje është shënuar sot në Lushnjë, në aksin rrugor “Krutje – Ngurrëz”.
Pas 59-vjeçarit i cili u përplas me mjetin bujqësor, ka ndërruar jetë një 50-vjeçare, e cila ka humbur kontrollin e motoçikletës që drejtonte e për pasojë ka rënë në kanal.
50-vjeçarja u transportua drejt morgut të spitalit të Lushnjës ndërsa grupi hetimore po punon për zbardhjen e shkaqeve te aksidentit.
Njoftimi i policisë
Në aksin rrugor “Krutje – Ngurrëz”, shtetasja A. Rr., 50 vjeçe, banuese në Kallm, Fier, duke drejtuar motomjetin, ka humbur kontrollin mbi drejtimin e motomjetit dhe për pasojë motomjeti ka dalë nga rruga.Nga ky aksident, shtetasja A. Rr. ka humbur jetën.
Grupi hetimor po punon për zbardhjen e shkaqeve të aksidentit.
