Presidenti i Serbisë, Aleksandër Vuçiç, ka njoftuar në rrjetin social 'Instagram' se ka zhvilluar një bisedë telefonike me kryeministrin e Shqipërisë, Edi Rama dhe atë të Maqedonisë së Veriut, Dimitar Kovaçevski. Vuçiç njoftoi se liderët kanë biseduar për situatën energjetike për këtë dimër. Po ashtu ata kanë diskutuar hapat e përbashkët në lidhje me takimin e ardhshëm në kuadër të Procesit të Berlinit. Sipas Vuçiç, Ballkan i Hapur do të thotë paqe, prosperitet dhe një e ardhme më e sigurt për rajonin sepse duke u bashkuar vendet janë të fuqishme.
“Kam biseduar me Edi Ramën dhe Dimitar Kovaçevskin për hapat e përbashkët për të siguruar një dimër të sigurt për të gjithë qytetarët tanë, si dhe për takimin e ardhshëm në kuadër të procesit të Berlinit”, shkruan Vuçiç në llogarinë e tij në Instagram.
