Arrestohet në Vorë biznesmeni Gentian Malindi, të cilin Prokuroria e Posaçme Anti-Korrupsion e ka marrë të pandehur, pasi dyshohet si porositësi i 137 kg kokalnë të kapur në Portin e Durrësit. Deri më sot ai ishte në arrati.
Bashkë me Malindin, të pandehur janë marrë edhe peshkatari Altin Myslihaka dhe punonjësi i sigurisë në Portin e Durrësit, Adrian Bega, të cilët dyshohen si të implikuar në ngjarje.
Kujtojmë që 137 kg kokainë u zbulua në Portin e Pireut dhe u zëvendësua me oriz nga uniformat blu.
Këta të fundit mbajtën nën vëzhgim lëvizjet e kontejnerit, deri në Durrës, për të zbuluar rrjetin e trafikut të kokainës.
Biznesmeni dyshohet se ka dalë garant për të marrë ngarkesën nga kontejneri. Gjithashtu Malindi ka dalë garant për ta dërguar në destinacionin e përcaktuar nga grupet kriminale.
Pasi vuri re që në pako kishte oriz dhe lokalizues satelitor ai e hodhi çantën nga automjeti. Por, ishte në vëzhgim nga Forcat Operacionale Speciale.
Lexo më tej: Akuzohet si porositësi i 137 kg kokaine, GJKKO pezullon çështjen ndaj Gentian Malindit
Lexo më tej: Po priste ngarkesën me 1.2 ton kokainë, arrestohet shqiptari në Belgjikë
