Ditën e sotme është realizuar arrestimi i biznesmenit, Gentian Malindi. Ai ishte në kërkim që prej vitit 2019 për trafikimin e 137 kg lëndë narkotike kokainë. Mësohet se arrestimi i tij është bërë në Vorë, pikërisht në momentin që policia i ka kërkuar mjetin e identifikimit. Ky i fundit u ka dhënë një tjetër letërnjoftim.
Pak kohë më parë ka kërkuar ndryshimin e masës së sigurisë. Malindi i kërkon Apelit të Krimeve të Rënda që t’i ndryshojnë masën e sigurisë nga arrest me burg në detyrim paraqitje. Avokati dhe babi i Gentian Malindit, Ilir Malindi pretendon në ankimim se djali i tij nuk ka asnjë lidhje me ngarkesën e kokainës.
