Një rrjedhje virusi nga laboratori i Wuhan? Sipas një raporti të paraqitur në Senatin amerikan, ka "prova thelbësore" që pandemia Covid-19 u shkaktua prej një gabimi në fushën e kërkimeve shkencore. Ende nuk ka prova për një shkak natyral të transmetimit të virusit.
Dyshimi rritet nga ngurrimi i Kinës për të bashkëpunuar apo për të hapur Institutin e Virologjisë në Wuhan. Në raport mbështetet teza e një "rrjedhjeje patogjene" prej këtij laboratori.
Anëtarët republikanë të Komisionit Shëndetësor të Senatit kanë shqyrtuar qindra studime mbi origjinën e Covid. Ata kanë intervistuar edhe dhjetëra ekspertë. “Duket e arsyeshme të konkludohet se pandemia Covid-19 ishte me shumë mundësi rezultat i një incidenti të lidhur me kërkimet”. Ekpertët theksuan megjithatë mungesën e "provave kritike" që tregonin se virusi kaloi natyrshëm nga kafshët te njerëzit.
Raporti pranon se informacioni thelbësor për origjinën e vërtetë ende mungon. Pyetjet për Institutin e Virologjisë në Wuhan, vetëm 8 milje larg tregut, mbetën pa përgjigje. Republikanët argumentojnë se mostrat e Covid të mbledhura nga tregu janë shumë të ngjashme me virusin e parë tek njerëzit.
Raporti zbuloi se kishte pasur të paktën 6 incidente të lidhura me kërkimet që përfshinin Covid në laboratorët e biosigurisë në Kinë, Tajvan dhe Singapor. Janë gabime njerëzore, dështime mekanike, kafshime ose arratisje kafshësh, trajnime joadekuate apo financim i pamjaftueshëm.
Nuk përjashtohet as presioni për rezultate mund të kenë shkaktuar lëshimin e patogjenëve virulentë, të aftë të infektojnë kafshët. Covid ka infektuar deri tani mbi 634 milionë njerëz në botë. Mbi 6 milion e 590 mijë kanë humbur jetën. ©LAPSI.al
