Kryeministri Edi Rama ka reaguar sërish për energjinë elektrike, duke përsëritur se çmimi nuk do të rritet në nëntor.
Ai sulmoi opozitën, duke i kujtuar financimet ruse. Ndërsa thotë se ata janë duke përhapur lajmin se qeveria ka deklaruar rritjen e çmimit të energjisë nga 1 nëntori. Diçka që e konsideroi të pavërtetë.
“Opozita e Rublave e mediat e saj po u thonë sot shqiptarëve se Qeveria ka deklaruar rritjen e çmimit të energjisë në 1 nëntor! Një lajm dyfish i rremë: Kemi 14 muaj që themi çmimi do mbrohet siç po mbrohet dhe s’e kemi deklaruar kurrë diçka të tillë! Pse e bëjnë?”. Kështu shkruan Rama në një postim në Twitter.
ERE i ka kujtuar qeverisë se çmimi i rritur prej 42 lekësh për ata abonentë që shpenzojnë mbi 800 kWh, hyn në fuqi që prej datës 1 nëntor. Nga ana tjetër, Kryeministri Edi Rama ka lënë të kuptohet se nuk do të rritet çmimi i energjisë. Ashtu siç bëri edhe në postimin e fundit në Twitter.
Lexo më tej: Rama rrëzon ERE për çmimin e energjisë: Nuk kemi aplikuar ende fashën e re
