Një i moshuar ka rënë në prangat e policisë në Divjakë. Ai dyshohet se ngacmoi seksualisht dy vajza te mitura. Denoncimi për rastin është bërë nga prindërit e dy vajzave. Ndërkohë policia prangosi menjëherë të dyshuarin.
“Specialistët e Seksionit për Hetimin e Krimeve të Komisariatit të Policisë Divjakë arrestuan shtetasin S. T., 79 vjeç, banues në Divjakë, pasi dyshohet se ka ngacmuar seksualisht dy shtetase të mitura”, njoftoi policia.
Blutë njoftojnë se kanë nisur hetimet për të zbuluar nëse i moshuari ka abuzuar me të vërtetë me dy vajzat e mitura.
