Fasha 800 kWh për çmimin e energjisë nuk do të aplikohet as në muajin nëntor. Lajmi është bërë me dije nga kreu i Grupit të PS, Taulant Balla. Në një deklaratë për mediat, Balla tha se qeveria ka vendosur që ta shtyjë fashën. Po ashtu, kreu i grupit parlamentar socialist tha se qeveria ka njoftuar për këtë vendim edhe Entin Rregullator. Balla deklaroi se fasha u shty pasi ka pasur një mirëmenaxhim të situatës energjetike, si edhe një ndërgjegjësim të qytetarëve të cilët kanë kursyer energjinë.
“Shtyrjen edhe për muajin nëntor, edhe pse shi s’ka pasur asnjë pikë, qeveria ka vendosur se për shkak të mirëadministrimit dhe ndërgjegjes së qytetarëve shqiptarë që kanë dhënë efektet e para të uljes së shpenzimet të energjisë. Jemi ndër vendet e vetme, ku qeveria vazhdon të subvencionojë 80% të faturës. Nuk është e vërtetë. Është një opsion, por qeveria ka njoftuar në kohë Entin Rregullator se nuk do aplikohet”, tha Balla.
