Rasti i tifozëve zikaltër të detyruar të largohen nga stadiumi, nga ultrasit e Curva Nord ka rënë në objektivin e policisë. Ultrasit zikaltër kishin zgjedhur heshtjen, për vrasjen e një kryetifozi, gjatë Inter-Sampdoria. Në fakt, policia e Milanos po punon me pamjet e kamerave të vëzhgimit të vendosura në San Siro për të rindërtuar episodet individuale. Kjo lindi pas ankesave të ndryshme në rrjetet sociale të tifozëve të nxjerrë me kërcënime nga stadiumi. Kushdo që ka patur sjellje të dhunshme do të rrezikojë denoncim për dhunë dhe përjashtim, raporton Corriere della Sera.
Tifozë të ndryshëm raportuan se u detyruan të largoheshin nga stadiumi kundër vullnetit të tyre. Kjo ndodhi vetëm sepse ata donin të vazhdonin të shihnin Interin, pavarësisht urdhrit të liderve ultras për të heshtur. Ultrasit morën vendimin në shenjë respekti për vdekjen e Vittorio Boiocchi, një i dënuar i vrarë në Milano. Ka nga ata tifozë që kanë raportuar kërcënime: "Ose dilni ose ne ju rrahim". Apo "dil, përndryshe do të thyej turinjtë". Të tjerë kanë denoncuar fakte të dhunshme, si një baba i rrahur në sy të vajzës së tij. Është edhe rasti i një djali të shtyrë poshtë karrigëve. Këto janë llojet e sjelljeve që policia dëshiron të verifikojë përmes kamerave të vëzhgimit.
Lexo më tej: Video/ Mësuan lajmin e vra*jes së kryetifozit Boiocchi: shikoni momentin kur ultrasit e Inter braktisën San Siron
PARALAJMËRIMI I MINISTRIT TË SPORTIT
Edhe ministri i ri i Sportit, Abodi, u interesua për problemin, duke iu përgjigjur një përdoruesi në Twitter: "Jam informuar, kjo që ka ndodhur është e papranueshme, e patolerueshme. Jam i sigurt se do të merren masa të menjëhershme. Jo vetëm fjalë!". Për momentin nuk ka një njoftim zyrtar për shtyp nga Inter, por, shkruan CorSera, parashikohet një dënim i ashpër i dhunës dhe disponueshmëria e formave të mbrojtjes dhe kompensimit për tifozët e detyruar të largohen nga stadiumi.
