Ditën e sotme Policia e Shtetit ka sekuestruar dy pallate, një bar dhe një hotel në pronësi të 51 vjeçarit Pëllumb Tuda, në Durrës.
Policia dyshon se këto pasuri janë përfituar nga veprimtaria kriminale në fushën e trafikimit të drogës dhe shfrytëzimit të prostitucionit.
Pëllumb Tuda nuk është një emër i panjohur për policinë. Ai është arrestuar nga policia me akuzën e shfrytëzimit të prostitucionit. Si dhe plagosjes me dashje të një prej punonjëseve të tij.
Tuda është pronar i diskos “Colombo” në Durrës, ku ai plagosi punonjësen e tij për shkak se ajo nuk pranoi të prostituonte.
Por si ndodhi ngjarja?
Vajza me iniciale M.P, atëherë 22 vjeçe, punonte në diskon e Tudës si banakiere, ndërsa tetorin e vitit 2015 është paraqitur në Policinë e Durërsit me hematoma në sy, duke denoncuar punëdhënësin e saj, se në mënyrë të përsëritur i ka kërkuar ta shfrytëzonte për prostitutë me klientë të lokalit.
“Kur nuk pranova dhe i thashë që nuk jam prostitutë, por banakiere dhe nuk pranoj ta bëj këtë punë, më gjuajti me çfarë kishte në dorë. Merrni masa sepse nuk më lë të qetë. Më thotë do të të vras nëse nuk iu bindesh urdhrave të mia. Unë kam frikë prej tij”. Kështu pati deklaruar vajza në polici, ndërsa policët sekuestruan asokohe pamjet e kamerave dhe arrestuan Pëllumb Tudën.
Lexo më tej: Sherr mes gjimnazistëve në Durrës, plag0set një 16-vjeçar
