Kompozitori i cili akuzoi Mariah Carey ,për të drejtën e autorit ka hequr dorë nga padia e tij.
Vince Vance, pretendoi se "All I Want for Christmas is You" u regjistrua në vitin 1989 - një vit përpara se Carey të publikonte këngën e saj më të njohur me të njëjtin emër. Duke e quajtur këngën e Carey një "derivat" të tijën, ai kërkoi të paktën 20 milionë dollarë dëmshpërblim.
Por në një dosje gjyqësore të martën, avokatët e Vance pushuan vullnetarisht çështjen kundër Mariah Carey. Lëvizja do të thotë se çështja do të pushohet. Por, e lë derën e hapur që Vance të rifillojë çështjen në të ardhmen.
“E vetmja ngjashmëri që ai pretendon është në titullin e këngës, jo në muzikë apo tekst,” tha Paul Fakler, një avokat veteran i muzikës në firmën ligjore Mayer Brown, për Billboard . "Fjalët dhe frazat e shkurtra nuk janë të mbrojtura nga ligji për të drejtën e autorit. Ka dhjetëra këngë të tjera me të njëjtin titull."
‘All I Want For Christmas Is You’ arriti në vendin e parë në tabelën e Billboard Top 100 gjatë festës në 2019 dhe 2020. Kënga vendosi rekordin më të transmetuar të Spotify në 24 orë në vitin 2019. Më pas e mposhti sërish në vitin 2020, sipas Rekordeve Botërore Guinness./Lapsi.al
