Reperi i ndjerë i Migos, Takeoff tha një javë përpara se të vritej se do donte t’i sillnin lule sa ishte ende “këtu”.
Ndërsa i ndjeri u shfaq në podcast-in “Drink Champs” së bashku me Quavo për të promovuar projektet e tyre të reja si dyshja rap “Unc & Phew”, Takeoff foli për dëshirën e njohjes së talentit të tij sa ishte ende gjallë.
Mirëpo, gjatë fjalës së tij, reperi tha se: “Unë jam i qetë, jam tepër i qetë, por është koha për të ‘shpërthyer’. Unë dua të futem në rrjedhën time. Koha për të më dhënë ‘lulet’ e mia. Nuk i dua kur nuk jam më këtu”.
Në përfundim të podcast-it, reperi pranoi një buqetë me lule.
Takeoff, i lindur si Kirshnik Khari Ball, u vra herët në mëngjes të martën në Houston pasi një shpërthimi të shtënash në një lojë me zara.
Ai ishte 28 vjeç.
Policia e Huston-it konfirmoi në një konferencë për shtyp të martën se vrasësi i Takeoff është ende i lirë dhe i kërkoi publikut të “përgatiste” më shumë informacione që do t’i ndihmonin ata.
“Ne jemi duke kërkuar për çdo informacion në këtë kohë. Ne e dimë se media ka marrë shumë telefonata, mesazhe me tekst, video. Ne kemi nevojë që të gjithë t’i dërgoni ato tek ne që të mund ta zgjidhim këtë rast”- tha Sgt. Michael Arrington, hetuesi kryesor për rastin.
Ai shtoi, “Ne duam të gjejmë drejtësi për këtë familje. Ata po kalojnë shumë për momentin… Na ndihmoni të kapim dhe të marrim akuza dhe arrestime mbi personin përgjegjës për vdekjen e Takeoff.”
Shefi i policisë Troy Finner shtoi se ai beson se të dyshuarit ishin të ftuar në festën private në të cilën Takeoff mori pjesë në 810 Billiards & Bowling Houston të hënën në mbrëmje.
