Infermieria e Juventus fillon të zbrazet. Max Allegri më në fund mund të marrë frymë pas emergjencës së periudhës së fundit. Tekniku u detyrua të sillte vetëm shtatë lojtarë në pankinë për ndeshjen e së mërkurës në Champions League kundër PSG. Për përballjen e rëndësishme të së dielës në mbrëmje, në Stadium kundër Inter, trajneri i Juventus rikuperon tre pedina themelore me një goditje të vetme. Vlahovic, Di Maria dhe Bremer janë gati, përvec Chiesa.
Serbi humbi ndeshjet kundër Lecce dhe PSG për shkak të një shqetësimi në ije, që e pati edhe qershorin e kaluar. E tani ai është gati të rimarrë vendin e tij në sulm. Fideo mund të jetë me serbin nga minuta e 1', i kthyer nga dëmtimi i shkallës së ulët të kofshës së djathtë. Argjentinasi u dëmtua në transfertën e Haifa kundër Maccabit në Champions. Gjithçka do të varet nga dy seancat e fundit stërvitore, por duket se të dy do të jenë titullarë. Dusan do të formojë repartin me Milik, ndërsa Chiesa, i kthyer në fushë pas 10 muajsh mungese, po përgatitet të bëhet sërish protagonist.
FORMACIONI ANTI-INTER
Allegri mund të buzëqeshë edhe duke parë prapavijën. Bremer është kthyer në mbrojtje, duke u rikuperuar pas dëmtimit të shkallës së ulët në kofshën e majtë. Braziliani u dëmtua në derbin kundër Torinos e kthehet tani në atë të Italisë. Krahas brazilianit do të jetë edhe bashkatdhetari Danilo, i rikthyer pas skualifikimit ndaj PSG-së. Balotazh mes Alex Sandro dhe Bonucci për fanellën e tretë në mbrojtjen treshe. Në mesfushë, Locatelli u konfirmua si regjist me Rabiot dhe Fagioli, ndërsa Cuadrado dhe Kostic do të luajnë në krahë. "Ne e respektojmë Inter, por mendoj se po kthehemi t'i bëjmë gjërat mire. Qendrojmë gjithmonë në lojë e të fokusuar. Të gjitha gjërat që në ndeshje të tilla kanë një rëndësi të madhe", tha Danilo për sfidën ndaj Interit, në një intervistë me Dazn.
