Në vitin 2020 nuk dukej të kishte një marrëdhënie të mirë mes Federico Cherubini. Ai aspironte rolin e drejtorit sportiv të Juventusit, që mbahej nga Fabio Paratici, detyrë që e mori në verën e 2021. Kjo mund të kuptohet nga shënimet e Cherubini në ditarin e gjetur nga financierët gjatë një kontrolli, pjesë e hetimit të Prisma. Repubblica ka zbardhur disa fragmente nga shënimet. "Libri i zi FP (Fabio Paratici)" është titulli. Brenda tij, drejtori aktual i Juventus, tregon mendimin e tij për njeriun që donte t’i merrte vendin. "Përdorim i tepruar i fitimeve artificiale të kapitalit" që japin "përfitim të menjëhershëm -konstatohej aty -. Por më pas çojnë në një "ngarkesë amortizimi" për të ardhmen.
Administrimi i Paratici shihej në mënyrë kritike nga Cherubini: "Gjykimet dhe vlerësimet ndryshojnë çdo ditë". "Plani katastrofik i rimëkëmbjes së buxhetit, -formë + substancë". "Si arritëm deri këtu?", "Blerjet e pakuptimta", "Jashtë mundësive" (Kulusevski??)", "shkatërrimi i një brezi: Kean, Spinazzola, Audero...", janë mendimet e tij.
Lexo më tej:Juventus i shpëton zbritjes së pikëve: ‘karta Ronaldo’ rrezikon gjobë deri në 60 milionë euro
"PLUSVALENCAT, OPERACIONET KYÇE"
E përditshmja romane më pas kalon te një letër e dërguar nga Stefano Bertola. Ai është kontraktori i Juventus, që i shkruan presidentit Andrea Agnelli dhe parashikon që e kuqja e buxhetit të vitit 2021 do të ishte e rëndë: "On track, por në një bumpy road. Ulja e pagave dhe fitimet kapitale janë operacione kyçe për sigurinë. Shpresojmë te vaksina për Stadium por është e vështirë".
