Kreu i Strukturës së Posaçme kundër korrupsionit dhe krimit të organizuar, Arben Kraja ka deklaruar se grupet kriminale shqiptare janë bërë më të egra, duke iu referuar vrasjeve të fundit. Gjatë konferencës për “Krimin e Organizuar ndërkombëtar”, Kraja tha se grupet shqiptare tashmë po operojnë edhe në vende të tjera ku prodhohet dhe tregohet droga, madje edhe në Dubai.
Fjala e Krajës:
"Grupet kriminale kanë ndryshuar aktivitetin kohët e fundit. Kanë shtrirë aktivitetin në vendet ku prodhohet droga, ku tregtohet madje edhe në Dubai. Gjithashtu grupet kriminale janë bërë shumë të egra. Flas për shkak të vrasjave të ndodhura kohët e fundit.
Teknologjia që ata perdorin, sic janë telefonat apo edhe paratë e pista. Asnje shtet i vetem nuk e lufton dot kete aktivitet te organizuar kriminal. SPAK për këtë është krijuar. Nga bashkëpunimi me SPAK, skuadra e Barit ka arrestuar mbi 120 persona dhe ka sekustruar rreth 7 ton droge."
Po ashtu, Kraja njoftoi se është duke u ngritur një senksion i ri në SPAK. Kjo strukturë është ajo e hetimit financiar, që do të merret me hetimin dhe gjurmimin e pasurive të cilat kanë burim të tyre krimin. Kraja është shprehur i vendosur në betejën e SPAK kundër pasurive që vijnë nga aktivitetet e jashtëligjshme.
