Deputeti i Partisë Demokratike Agron Shehaj thotë se kompania arabe që do të marrë investimin te Porti i Durrësit nuk është "kompani flamur" e Emirateve.
"Rama mashtroi shqiptarët duke thënë se në Portin e Durrësit do investonte kompania Emaar. Rama gënjen gjithashtu kur thotë se kompania arabe North East Real Estate Holding Limited, që do marrë Portin e Durrësit, është “Kompani Flamur” e Emirateve të Bashkura. Kjo kompani është krijuar në Nëntor 2021, nuk ka asnjë historik financiar dhe mbi të gjitha nuk ka asnjë lidhje me kompaninë Emaar. Koncesioni i Portit të Durrësit është afera e radhës e kësaj qeverie të korruptuar deri në palcë", thotë Shehaj.
Kujtojmë që deputeti demokrat ishte i pari që denoncoi 4 vite më parë edhe skandalin me kompaninë "amerikane" që kishte fituar tenderin miliona euro të ndërtimit të pjesës së Unazës së Madhe te pjesa e "Astirit". ©Lapsi.al
