Sali Berisha tha sot se të gjithë deputetët janë të ftuar nesër tek protesta e opozitës, me një përjashtim.
Berisha përjashtoi paraardhësin e tij, Lulzim Basha.
Sipas Berishës, Basha duhet të sqarojë akuzën që ka.
“Të gjithë mund të vijnë përveç Lulzim Bashës i cili duhet të sqarojë akuzën e tmerrshme që ka. Të tjerët janë anëtarë të PD-së dhe nuk mund të më marrin leje mua ata që të protestojnë kundër qeverisë. Basha ka një akuzë të tmerrshme, ka deklaruar që nuk është e vërtetë, por nuk ka dhënë asnjë fakt e provë për ato akuza konkrete që ekzistojnë aty. Hetimi nga selia po vazhdon. Mendoj se është i detyruar të ketë burrërinë të tregojë dhe në qoftë se i takon të hyjë brenda, ose të shpallet i penduar i drejtësisë dhe të tregojë të vërtetën”, u shpreh Berisha.
Sali Berisha së bashku më Ilir Metën janë dakordësuar për të mbajtur një protestë ditën e nesërme më 12 nëntor. Protesta u shty shumë. Pas asaj të 7 korrikut, u lajmërua nga opozita se protestat do të shpërthenin në shtator. Gjë që nuk ndodhi. Edhe në tetor nuk u mbajtën protesta. Kjo e nesërmja shihet si test për opozitën e drejtuar nga Berisha.
Lexo më tej: Rama dhe Basha bashkojnë sërish votat për hapjen e dosjes së Metës
Lexo më tej: Protesta/ Berisha paralajmëron ashpër policinë
