Protesta e thirrur për në orën 16:00 nga Partia Demokratike dhe opozita ka vënë në 'nivel gatishmërie' policinë e shtetit. Mësohet se rreth 1000 forca të policisë, duke nisur nga ato të rendit, FNSH dhe Garda e Republikës, do të jenë sot në terren për mbarëvajtjen e protestës.
Prej orëvë te para të mengjesit institucionet e rëndësisë së veçantë janë marrë në ruajtje nga efektivë të gardës se republikës. Këtu përfshihet edhe kryeministria, para së cilës është vendosur podiumi për folësit e protestës. Dyert e kryeministrisë janë blinduar me veshje metalike që mbrëmjen e djeshme. Plani i policisë ka nisur të vihet në zbatim që në orët e para të mëngjesit. Është bllokuar qarkullimi i mjeteve në bulevard.
Policia ka instaluar përgjatë gjithë bulevardit 'Dëshmorët e Kombit' kamera me rezolucion të lartë. Në gatishmëri do të qëndrojnë dhe autobotët mr ujë, shërbimi zjarrfikës dhe autoambulancat. Forcat e rendit janë të pajisura me maska kundragaz. Në terren do të përfshihen edhe agjentët civilë, për të monitoruar personat problematikë.
