Synimi i presidentit rus Vladimir Putin është që të “lërë Ukrainën të ftohtë dhe pa energji këtë dimër”, sipas një deklaratë të sekretarit të përgjithshëm të NATO-s, Jens Stoltenberg, shkruan The Guardian.
Tërheqja e Rusisë nga Kherson tregon “guximin e jashtëzakonshëm” të forcave të armatosura të Ukrainës, tha shefi i aleancës ushtarake gjatë një konference për shtyp me anëtarët e qeverisë holandeze në Hagë.
I takon Ukrainës të vendosë se cilat kushte janë të pranueshme për negociatat për t’i dhënë fund luftës, tha ai, duke shtuar se roli i NATO-s ishte të mbështeste Kievin.
“Nuk duhet të nënvlerësojmë Rusinë. Forcat e armatosura ruse kanë aftësi të konsiderueshme, si dhe një numër të madh trupash dhe Rusia ka demonstruar gatishmërinë për të pësuar humbje të konsiderueshme.
Ata gjithashtu kanë treguar brutalitet ekstrem.
Muajt e ardhshëm do të jenë të vështirë. Qëllimi i Putinit është ta lërë Ukrainën të ftohtë dhe pa energji këtë dimër,” tha Stoltenberg.
