Agron Shehaj publikoi një dokument që sipas tij provon se Edi Rama ka mashtruar për Portin e Durrësit.
Sipas dokumentit që nxorri deputeti, investimi në Portin e Durrësit nuk është investim i "Emaar". As investim i kurorës së Emirateve të Bashkuara arabe. Por, siç shkruan Shehaj, investitor është vetëm Muhamed Alabari dhe familja e tij.
"Siç dëshmohet qartë nga kjo foto, Alabbar rezulton të ketë 40 për qind të aksioneve fundore në Portin e Durrësit, ndërsa familiarët e tij rezultojnë të kenë 60 për qind të tjerat. Pra Porti i Durrësit, projekti 2.1 miliardë euro i shumë trumbetuar nga qeveria dhe kryeministri është thjesht një biznes familjar". Kështu shkruan Shehaj në Facebook.
(Në foto: Dokumenti i publikuar nga Agron Shehaj në Facebook)
Deputeti zbuloi se dokumenti është nxjerrë nga deklarimet e kompanisë "Eagle Hills" në institucionet shtetërore.
Lexo më tej: Pikat e errëta të planit për pallate dhe marinën e Durrësit
Shpjegimi i Agron Shehajt në Facebook:
Edi Rama mashtroi publikisht kur tha se Portin e Durrësit do ta ndërtonte Emaar. Sipas vetë deklarimeve të kompanisë “Eagle Hills” në institucionet shtetërore, përfituesi fundor që po merr Portin e Durrësit, rezulton Muhamed Alabbar dhe familja e tij.
Siç dëshmohet qartë nga kjo foto, Alabbar rezulton të ketë 40 për qind të aksioneve fundore në Portin e Durrësit, ndërsa familiarët e tij rezultojnë të kenë 60 për qind të tjerat. Pra Porti i Durrësit, projekti 2.1 miliardë euro i shumë trumbetuar nga qeveria dhe kryeministri është thjesht një biznes familjar.
Në projekt nuk ka as Emaar as princ kurore siç mashtronte publikisht Edi Rama, por është vetëm familja Alabbar. Me pak fjalë, qeveria shqiptare po bën ligj dhe po hyn në marrëveshje 2.1 miliardë euro vetëm me një individ, të cilit po i falen 820 mijë metër tokë, mbi 300 milionë euro taksa dhe për hir të këtij biznesi po shkatërrohet porti më i madh tregtar i vendit.
E megjithatë edhe ky zinxhir pronësie është i bazuar në vetdeklarimet e kompanisë Eagle Hills. Askush nuk mund të provojë se kush qëndron realisht pas aferës së portit të Durrësit, pasi skema e përdorur është thuajse identike me atë të inceneratorëve, marrëveshje me individë dhe kompani të sapokrijuara pa asnjë historik financiar.
Lexo më tej: Miliardat tek Porti/ Agron Shehaj nxjerr të dhënat e kompanisë fantazëm
(Në foto: Muhamed Alabar)
