Rinovimi i Rafael Leao me Milan nuk po zhbllokohet. E tashmë kanë mbërritur edhe fjalët e babait të lojtarit për t'i shtuar akoma më shumë presion çështjes. Në një intervistë për Record, Antonio Leao ka thënë mjaftueshëm për të trembur kuqezinjtë: "Interesi i Chelsea? Deri në skadencën e kontratës në 2024, do të kujdesemi për gjithçka. Jo domosdoshmërisht duhet të përfshihen Chelsea, Barcelona apo Real Madrid". Në mes është edhe mosmarrëveshja me Sporting Lisbona ku portugezi është dënuar të paguajë rreth 20 milionë euro: “Po punojmë”.
Kontrata e Leao skadon në 2024 me Milan, por koha po mbaron. Maldini dhe Massara duan ta mbyllin brenda pak javësh, por duhet të bëjnë llogaritë me arkën e klubit dhe tavanin e pagave. Vullneti i lojtarit është të qëndrojë, por duhet gjetur akordi për pagën. Kërkesa është për 7 milionë euro, kuqezinjtë mund të shkojnë deri në 5.5. Këtu luhet ndeshja.
Lexo më tej: Cassano, i fyen të gjithë: “Leao nuk është fenomen, e ka by**ën në kokë”
Babai i Leaos konfirmoi gjithashtu se djali i tij është ambjentuar mirë në Itali: "Ai e adhuron të qendrojë në Itali. Ai ka një parapëlqim për italianët, atë që portugezët nuk e kanë për të. Ai fitoi çmimin e lojtarit më të mirë në Serie A vjet. Jo sepse ishte i bukur... por thjesht sepse është më i miri”.
