Drejtori i CIA-s Bill Burns udhëtoi për në Kiev për t’u takuar me presidentin ukrainas Volodymyr Zelensky dhe homologët e tij të inteligjencës të martën, sipas një zyrtari amerikan.
Burns, tha zyrtari, raporton CNN, ishte i sigurtë në Ambasadën e SHBA gjatë sulmeve me raketa ruse në të gjithë vendin, përfshirë dhe shpërthimet që tronditën kryeqytetin e vendit.
Udhëtimi i drejtorit të CIA-s në Kiev erdhi pas një takimi të hënën në Ankara, Turqi, me homologun e tij të inteligjencës ruse, Sergey Naryshkin – dhe është hera e dytë e bere publike në më pak se një muaj që ai viziton Kievin.
Ndërsa ishte atje, tha zyrtari, Burns “diskutoi paralajmërimin e SHBA-së që ai i dha kreut të SVR-së së Rusisë për të mos përdorur armë bërthamore dhe përforcoi angazhimin e SHBA për të ofruar mbështetje për Ukrainën në luftën e saj kundër agresionit rus”.
Presidenti Joe Biden është mbështetur shumë te Burns, një diplomat me përvojë të gjatë në Rusi, si një lajmëtar i qetë në konfliktin e vazhdueshëm.
Burns u dërgua në Ankara të hënën për të “komunikuar me Rusinë mbi menaxhimin e rrezikut, veçanërisht të rrezikut bërthamor dhe rreziqeve ndaj stabilitetit strategjik”, tha një zëdhënës i sigurisë kombëtare. Zëdhënësi theksoi se nuk ka zhvilluar negociata të asnjë lloji.
