Suedia njofton një paketë të re ndihme sigurie për Ukrainën me vlerë 720 milionë korona suedeze ose 68.8 milionë dollarë.
Lajmi u bë i ditur nga ministri i Mbrojtjes Olekii Reznikov.
“Lajm i mirë nga Skandinavia: Suedia njofton një paketë tjetër ndihme sigurie për Ukrainën me vlerë 720 milionë SEK. Sistemet e mbrojtjes ajrore, automjetet, pajisjet dimërore do të ndihmojnë ushtarët tanë dhe do të mbështesin luftën e Ukrainës,” tha Reznikov.
Ai falënderoi kryeministrin Ulf Kristersson, ministrin e Mbrojtjes Pål Jonson dhe popullin e Suedisë.
Më 14 nëntor, Përfaqësuesi i Lartë i BE-së për Punët e Jashtme dhe Politikën e Sigurisë, Josep Borrell tha se BE-ja dhe vendet e saj anëtare i kishin dhënë Ukrainës të paktën 8 miliardë euro pajisje ushtarake, që është rreth 45% e ndihmës që Kievi ka marrë nga Shtetet e Bashkuara.
Lexo më tej: Shpërthime në Krime, mediat ukrainase: Është goditur një aeroport rus
Lexo më tej: Pas sulmit në Poloni, OKB kërkon shmangien e përshkallëzimit të luftës në Ukrainë
