Një alarm ka rënë në mëngjes tek autoritetet portuale greke. Kjo pasi një varkë me emigrantë ka kërkuar ndihmë në zonën detare në perëndim të Pylos. Tre anije janë angazhuar menjëherë për të dhënë ndihmë.
Një nga tre anijet, “LAURA BASSI” me flamur italian, mblodhi 94 emigrantët në bord. Ata janë të gjithë në gjendje të mirë shëndetësore. Emigrantët po transportohen për në portin e Kalamatës.
Njoftimi i Rojës Bregdetare:
“Në zonën detare rreth 55 metra në perëndim të Pylosit po zhvillohet një operacion kërkim-shpëtimi për të huajt nën koordinimin e Qendrës së Bashkuar Koordinuese të Kërkim Shpëtimit L.S. – EL.AKT. (E.K.S.E.D.).
Në veçanti, një mjet lundrues I/F (a.l.s.) i cili ndodhej në pozitë të vështirë me një numër të mjaftueshëm të huajsh në bord, në zonën e sipërme detare, brenda zonës greke të përgjegjësisë për kërkim-shpëtim, kërkoi ndihmë nga E.K.S.E. D., orët e mëngjesit sot.
Menjëherë janë angazhuar tre mjete lundruese kalimtare për t’i dhënë ndihmë mjetit lundrues në fjalë, njëra prej të cilave, “LAURA BASSI” me flamur italian, ka mbledhur pasagjerët e mjetit lundrues I/F të mësipërm, gjithsej nëntëdhjetë e katër persona, të gjithë shëndoshë e mirë dhe me nisje për në portin e Kalamatës.”
