Grupi D i Kupës së Botës 2022 në Katar hapet me një barazim pa gola mes Danimarkës dhe Tunizisë. Në stadiumin Education City në Al Rayyan përfundoi 0-0, me afrikanët që i rezistuan përpjekjeve të skandinavëve. Në fakt Tunizia ishte e para që u shfaq rrezikshëm me Drager. Pastaj, skuadra e Jalel Kadri shpëtoi nga mrekullitë e Dahmen dhe në fund edhe nga fati. Goditja flagrante e shtyllës me kokë nga fare pranë e Cornelius ishte mundësia më e mirë e ndeshjes, por që dëshpëroi Danimarkën. Kështu skuadra e Hjulmand fiton pikën e parë, por e komplikuar me rivalët që danezët kanë.
Më 12 tetor 2021 Danimarka festoi kualifikimin si skuadra e tretë që rrëmbeu të drejtën për të qenë në Katar 2022. Danezët me vonesë vetëm ndaj Gjermanisë, sepse tjera ishte kombëtarja pritëse. Më shumë se 13 muaj më pas, formacioni i Hjulmand zhgënjeu në debutimin e tij. Danezët mbetën të bllokuar përballë një Tunizie me raste befasuese. Të rregullt por sigurisht jo të dorëzuar, Shqiponjat e Kartagjenës penguan në mënyrë të admirueshme iniciativat skandinave. Madje herë pas here tentuan ofensiva të papritura të rrezikshme.
Lexo më tej: “Ditë e trishtë, asnjë shfajësim”. Messi e Scaloni ulin kokën, shtypi masakron Argjentinën: “Un golpe mundial”
Nuk munguan golat e zakonshëm të anuluar për pozicion jashtë loje. Kulmi i ndeshjes, megjithatë, ishte padyshim goditja me kokë e Jensen ngjitur me shtyllën në minutën e 71, që erdhi pas një goditje të Eriksen. Tunizia pati emocionin e fundit në minutën e 94. Një prekje me dorë në zonë, që u analizua në monitor nga arbitri, pa treguar më pas pikën e bardhë.
