Pasi Bashkimi Europian anuloi grantin prej 28 milionë eurosh për ndërtimin e Portit të Durrësit, ka reaguar ambasadorja e delegacionit të BE-së në Shqipëri, Christine Hohmann.
Ambasadorja foli për mediat nga qyteti i Shkodrës. E pyetur nga mediat se çfarë qëndrimi ka ajo për projektin e Portit të Durëësit, Hohmann deklaroi se BE-ja i qëndron të njëjtit vendim të marrë disa ditë më parë.
Ajo u shpreh se sa herë ka ndryshim të kushteve të investimit, rrjedhimisht ndryshohet dhe dhënia e granteve. Prandaj, sipas ambasadores, ato anulohen.
"Është një përgjigje shumë e thjeshtë si ajo që dhamë disa ditë më parë. Sa herë që ka ndryshim të kushteve të investimit, pra ndryshim të dhënies së granteve për investimin, atëherë kjo anulohet. Por kjo nuk do të thotë që ne nuk jemi në komunikim me qeverinë për të kuptuar se ku do të jenë investimet për t’u bërë". Kështu u shpreh për mediat ambasadorja e BE-së nga vizita e saj në Shkodër.
Lexo më tej: BE-ja anulon grantin e Fondit të Investimeve për portin e Durrësit
Lexo më tej: Porti i Albaarit/ Rama shan kundërshtarët, por s’jep as shifra, as përgjigje
Lexo më tej: Emrat/ Familjarët e Alabbar pas kompanive offshore në Durrës
