Vendi ynë do të përfshihet nga masat ajrore të qëndrueshme. Ato do të sjellin gjatë orëve të para të ditës alternime kthjellimesh dhe vranësirash. Më të dukshme kthjellimet do të jenë në ultësirën perëndimore. Ndërsa pjesa e dytë e ditës do të sjellë shpeshtim të vranësirave në pothuajse gjithë territorin, por nuk priten reshje.
Sipas MeteoAlb, temperaturat e ajrit do të vijojnë të ulen në mëngjes dhe në mesditë duke luhatur vlerat ditore nga 0°C deri në 15°C. Era do të fryjë e lehtë dhe mesatare me shpejtësi 35 km/h nga drejtimi Verior duke krijuar në brigjet detare dallgëzim 2 – 3 ballë.
Kosova
Kosova gjatë të premtes do të dominohet nga kushtet e qëndrueshme atmosferike për gjatë gjithë 24-orëshit. Gjithashtu pritet rënie e ndjeshme e temperaturave të ajrit, si pasojë e afrimit të masave ajrore të ftohta nga Lindja e kontinentit Europian.
Maqedonia e Veriut
Republika e MV pritet të jetë nën ndikimin e masave ajrore të qëndrueshme të cilat do të sjellin alternime kthjellimesh dhe vranësirash. Më të dukshme kthjellimet do të jenë gjatë paradites. Ndërsa në pjesën e dytë të ditës vranësirat të shtohen herë pas here në një pjesë të mirë të MV.
Rajoni dhe Europa
Europa Lindore dhe pjesa më e madhe e Jugut të kontinentit do të jenë në mbizotërimin e motit të qëndrueshëm. Ndërsa Brigjet e detit të Zi dhe Qëndra e kontinentit do të mbizotërohen nga vranësirat e shpeshta dhe rrebeshet e shiut, KU më të dukshme reshjet do të jenë në brigjet Veriperëndimore të Europës. MBETET gadishulli Skandinav në dominimin e reshjeve të shumta të dëborës.
