Një Rolls Royce prej gjysmë milioni dollarësh për secilin nga lojtarët e Arabisë Saudite. Ky është shpërblimi për fitoren historike ndaj Argjentinës në ndeshjen hapëse në Botërorin 2022. Sipas mediave arabe, kjo është “dhurata” që princi Mohammed bin Salman Al Saud i ka bërë heronjve kombëtarë pas triumfit të pabesueshëm ndaj Messit e të tjerëve. Makina luksoze në fjalë është një Rolls Royce Phantom me rreth 600 kuaj fuqi. Duke bërë llogaritë, flitet për një çek prej rreth 13 milionë dollarësh për të kënaqur të 26 djemtë e trajnerit Renard.
23 nëntori ishte një festë kombëtare dhe në Arabinë Saudite entuziazmi po ngrihet në qiell. Vetëm një ditë pas triumfit me përmbysje kundër Argjentinës, Mbreti Salman i Arabisë e shpelli festë kombëtare në Arabinë Saudite. Kjo duke parë edhe lumturinë e madhe që përshkoi vendin pas suksesit 1-2 kundër Messi e kampionëve të tjerë argjentinas.
Edhe pse do të nevojitet një tjetër sukses në dy ndeshjet e fundit për të bërë vërtetë historinë. Një fitore me Poloninë madje mund t’i projektojë të Fajkonjtë e gjelbër direkt në raundin e 1/8. Në atë rast, mund të imagjinohet se deri në çfarë mase mund të shkojë bujaria e familjes mbretërore...
